მძღოლები ამ წუთებში საპროტესტო აქციას მართავენ აღმაშენებლის ქუჩაზე, იმ ადგილზე, საიდანაც „მეტრო+“-მა პირველი რეისი უნდა შეასრულოს.ადგილზე მობილიზებულია პოლიცია, მძღოლებს ცოცხალი ჯაჭვი აქვთ გაკეთებული. აქციის მონაწილეები ამბობენ, რომ კომპანიას არ მისცემენ რეისის განხორციელების საშუალებას, რადგან საბუთები არა აქვთ წესრიგში და მათი ფუნქციონირება უკანონოა. რაც შეეხება კომპანია „მეტრო+“ სს, აცხადებენ, რომ დოკუმენტები წესრიგში აქვთ.
მძღოლები აქციებს პერმანენტულად მართავენ.მძღოლები ამბობენ, რომ ახალი კომპანიის შემოსვლა მათი სამუშაო ადგილების შემცირებას გამოიწვევს, ისინი კონკურენციას ვერ გაუწევენ მეტროს ავტობუსებს და მათი ბიზნესი დაიხურება.