ზუგდიდის მუნიციპალიტეტის სოფელ რუხში, ამ შენობაში ჩასახლებული დევნილები დღემდე მძიმე პირობებში ცხოვრობენ. მათი მთავარი პრობლემა კანალიზაციის ქსელის გაუმართაობაა. მოშლილი ინფრასტრუქტურის გამო კორპუსის სარდაფში წყალია ჩაგუბებული, კანალიზაციის ჭები ასევე წყლითაა სავსე. კორპუსის მაცხოვრებლების განცხადებით, დაგუბებული წყალი წვიმაში ივსება, საცხოვრებელი კორპუსის ეზოში გამოდის და სრული ანტისანიტარიას იწვევს. განსაკუთრებით, ზაფხულის პერიოდში არსებული მდგომარეობა ქვეწარმავლების მომრავლებასაც იწვევს. დევნილები აცხადებენ, რომ რამდენჯერმე მიმართეს შესაბამის უწყებებს, თუმცა რეაგირება გვიანდება. კორპუსში მცხოვრები იძულებით გადაადგილებული პირების თხოვნით არსებულ მდგომარეობას ერთიანი ნაციონალური მოძრაობის ზუგდიდის ორგანიზაციის წევრები გაეცნენ. მათი თქმით, არსებული სიტუაცია მძიმეა.აღნიშნულთან დაკავშირებით ჩვენ ზუგდიდის დევნილთა სამმართველოს ხელმძღვანელს დავუკავშირდით. მანუჩარ ჩილაჩავას განცხადებით, მათთვის ცნობილია არსებული მდგომარეობა და რეაგირებაც აუცილებლად მოხდება.დევნილები ახლა შესაბამისი უწყების დახმარების მოლოდინში არიან.