აფხაზური მედიის ცნობით, დღეს ნაშუადღევს ოჩამჩირის სანაპიროზე ზღვამ ახალგაზრდა კაცის ცხედარი გამორიყა. პირველი გარეგნული დათვალიერებით გარდაცვალების მიზეზის დადგენა ვერ მოხერხდა და გვამი ექსპერტიზისა და იდენტიფიკაციისათვის სოხუმის პროზექტურაში გადაასვენეს. მყისვე გავრცელდა ვარაუდი, რომ ახალგაზრდა შესაძლოა იყოს ფოთში დაკარგული 28 წლის გიგა გოგოხია, რომელსაც ოჯახი პირველი აპრილიდან დაეძებს. ეს ვარაუდი მალევე დაადასტურეს პროზექტურაში გვამის ამოსაცნობად მისულმა ახლობლებმა.
ამ დროისათვის ცხედარი ჯერ ისევ პროექტურაში ასვენია. ოჯახის ახლობლები სოფელ საიბერიოში არიან სეკრებილი და გარდაცვლილის გადმოსვენებას ელოდებიან.
შეგახსენებთ, გიგა გოგოხია გალის რაიონის სოფელ საბერიოს მკვიდრია. მისი თანმხლების ინფორმაციით, იგი სამეგრელოში ბებიასთვის მედიკამენტების შესაძენად იყო გადმოსული და მალევე უნდა დაბრუნებულიყო შინ, მაგრამ ფოთში რამდენიმე საათით ჩასულს ტაქსისტებთან შელაპარაკება მოუხდა და ამ ინცინდენტის შემდეგ უკვალოდ გაუჩინარდა.