პრემიერ-მინისტრი გიორგი კვირიკაშვილი   პრეზიდენტს თხოვნით მიმართავს, არჩევნებთან დაკავშირებით ახალი განკარგულება ივლისში გამოსცეს. როგორც პრემიერმა მთავრობის დღევანდელ სხდომაზე განაცხადა, უმჯობესი იქნება თუკი ეს 8 ივლისს, არჩევნებამდე 3 თვით ადრე მოხდება. იმ შემთხვევაში თუ პრეზიდენტი დაააკმაყოფილებს მის თხოვნას, საარჩევნო კამპანია სწორედ ამ დროიდან დაიწყება და სამ თვეს გასტანს. 

,,რაც შეეხება თარიღს,  ვინაიდან ამან გამოიწვია ასევე ფართო განსჯა და სამოქალაქო სექტორის თუ პარტიების მხრიდან გამოითქვა გარკვეული უკმაყოფილება, გვინდა ვთხოვოთ პრეზიდენტის ადმინისტრაციას, რომ დოკუმენტი წარმოადგინოს ისეთ დროს, რომლის გამოქვეყნებაც დაემთხვევა 8 ივლისს, რათა წინასაარჩევნო პერიოდის ვადად 3 თვე იქნას განსაზღვრული. მე მგონია, რომ ამ შემთხვევაში ყველანაირ გაუგებრობას და სხვადასხვანაირ ინტერპრეტაციებს თავიდან ავიცილებთ“, – განაცხადა კვირიკაშვილმა

 პრემიერი გულისხმობდა  ოპოზიციურ პარტიებსა და სამოქალაო სექტორის წარმომადგენლების კრიტიკას, რაც გამოიწვია  სახელისუფლებო გუნდის არაერთი წარმომადგენლის მიერ გაკეთებულმა  განცხადებებმა, რომ მთავრობა ამდენი ხნით ვერ შეზღუდავდა  თავისი მოქმედებებს, რამდენადაც ეს საზიანო იქნებოდა ქვეყნისათვის. ეს თავის მხრივ   ბადებდა საფუძვლიან ეჭვს, რომ იგი უარს არ იტყოდა ადმინისტრაციული რესურსების გამოყენებაზე წინასაარჩევნო პროცესში. .

სამთვიანი საარჩევნო კამპანიის შემთხვევაში ხელისუფლება კარგავს  არგუმენტს და  დღეს გაკეთებული განცხადების თანახმად მზად არის შეიზღუდოს თავი სამი თვის  განმავლობაში.