დღეს ანაკლიაში გაიმართა "კონტი ჯგუფის", "ანაკლიის განვითარების კონსორციუმის", სახელმწიფო ჰიდროგრაფიული სამსახურის და ადგილობრივი ხელისუფლების წარმომადგენლების შეხვედრა .
შეხვედრა დაკავშირებულია პორტის მშენებლობის პირველი ეტაპთან, რომელიც გაზაფხულზე დაიწყება, და ტექნიკური და სხვა სახის დეტალების შეთანხმებას მოითხოვს.
შეხვედრის დაწყებამდე ინვესტორებმა მომავალი პორტის ტერიტორია დაათვალიერეს .
"კონტი ჯგუფის" ვიცე პრეზიდენტმის პოლ ფორსის განცხადებით, ყველაფერი უნდა გაკეთდეს იმისათვის, რომ ესოდენ მასშტაბურმა მშენებლობამ და პორტის შემდგომმა ფუნქციონირებამ რაც შეიძლება ნაკლები ზიანი მიაყენოს გარემოს. მან ხაზი გაუსვა, რომ პორტი უნდა შევიდეს მსოფლიოს ეკოლოგიური პორტების რიცხვში, ,, მიმდინარე ეტაპზე ტარდება გარემოზე ზეგავლენის შეფასების სამუშაოები , კერძოდ, კომპანია აწარმოებს მიგრაციული ჩიტების აღრიცხვას'' – განმარტა პოლ ფორსმა.