ეროვნულ-დემოკრატიული ინსტიტუტი(NDI) საზოგადოებრივი აზრის კვლევის პოლიტიკურ ნაწილს აქვეყნებს. კითხვაზე, რა ფაქტორებმა შეიძლება, მოახდინონ გავლენა მათ საარჩევნო გადაწყვეტილებაზე, რესპონდენტები ასახელებენ პარტიის წარსულ საქმიანობას, ნდობას პოლიტიკური პარტიების კონკრეტული წარმომადგენლების მიმართ, პარტიის საარჩევნო პროგრამასა და დაპირებებს, ახლობლების პოლიტიკურ შეხედულებებს, პარტიის მიერ არჩევნებში გამარჯვების მაღალ შანსს.საარჩევნო გადაწყვეტილებაზე გავლენის მომხდენ ფაქტორად გამოკითხულები ასევე ასახელებენ მრევლის და მღვდლის პოლიტიკურ შეხედულებებს, პოპულარული ადამიანების პოლიტიკურ შეხედულებებს და დამსაქმებლის და თანამშრომლების პოლიტიკურ ხედვას.კვლევის საველე სამუშაოები ჩატარდა 23 თებერვალი – 14 მარტის პერიოდში. საქართველოს მასშტაბით, 3900 პირისპირი ინტერვიუს წარმომადგელობითი შერჩევის საფუძველზე. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.