ზუგდიდის კულტურის ცენტრ „ოდიშში“გაიმართა კლასიკური მუსიკის კონცერტი, მულტიეთნიკური ხელოვნების ტრადიციული ფესტივალი – "ერთი ცის ქვეშ – კულტურული დიალოგი“ . ფესტივალის ორგანიზატორია შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი, საქართველოს კომპოზიტორთა კავშირი და კულტურისა და ძეგლთა დაცვის სამინისტრო. ფესტივალი გაეროს პროგრამის ფარგლებში ჩატარდა. მასში მონაწილეობენ სხვადასხვა ეთნიკური ჯგუფები და ქართველი მოზარდები, რომლებმაც წარმოადგინეს თავიანთი კულტურისათვის დამახასიათებელი კლასიკური მუსიკისა და ფოლკლორის ნომრები.
მულტიეთნიკური ხელოვნების ფესტივალი "ერთი ცის ქვეშ", 2008 წელს დაფუძნდა და მოიცავს რეგიონული კონცერტების ციკლს.ფესტივალის მიზანია ქართველი და საქართველოში მცხოვრები ეთნიკური უმცირესობების წარმომადგენელი ნიჭიერი ახალგაზრდების გამოვლენა და წახალისება.