"თოლიას" ფირმის მიერ წარმოებულ ნაყინში საკერავი ნემსი აღმოჩნდა. ის ზუგდიდში, ნაყინის მყიდველმა აღმოაჩინა. მისი თქმით, ნაყინში, რომელიც ბავშვს უყიდა, გახსნისას საკერავი ნემსი აღმოაჩინა. რატომ და საიდან მოხვდა ნემსი ნაყინში უცნობია. როგორც თავად ამბობს, შეფუთვას გარეგანი დათვალიერებით არაფერი ეტყობოდა. მომხმარებელი ეჭვობს, რომ საკერავი ნემსი ნაყინის მასაში ჩამოსხმის დროსაა მოხვედრილი.
აღნიშნული ფოტო მოგვიანებით მომხმარებელმა სოციალურ ქსელში განათავსა.