ტელეკომპანია იმედმა შალვა რამიშვილთან საქმიანი ურთიერთობა გაწყვიტა. ამის შესახებ ცოტა ხნის წინ თავად ჟურნალისტმა ფეისბუქის საკუთარ გვერდზე დაწერა.
"იმედთან" ჩემი ურთიერთობა დასრულდა.
დღეს იმ კომპანიამ რომელიც “იმედის” დაკვეთით ამზადებს “ილო ბეროშილის შოუს”, “ერთხელ საქართველოში” , ეთერში ჯერ არ გასულ სერიალს “2 გოგოს” უზრუველყოფს ჩემს მონაწილეობას გადაცემა “პოლიტიკაში” “იმედისაგან მიიღო წერილი რომ ყველა ხელშეკრულება შეჩერებულია. მიზეზი ახსნილი არ არის.
შესაბამისად ამ პარასკევს მე ვერ წავიყვან თეონასთან ერთად “პოლიტიკას” . კვირას ვერ გავა “ილო ბეროშილის შოუ” , ჩერდება გადაღების პროცესში მყოფი ახალი სერიალი.
ვაპირებ ვითარების გარკვევას”, – წერს რამიშვილი.
ამ დროისთვის უცნობია მიზეზი, რომლის გამოც ტელეკომპანია იმედმა შალვა რამიშვილთან საქმიანი ურთიერთობა გაწყვიტა.