სოფელ განმუხურში გუშინ ელექტრონული აუქციონის შედეგად გასხვისებული ტერიტორიის და მასზე განთავსებული შენობების მფლობელი კომპანია „ბლექ სი რივიერია“. ინფორმაცია ამის შესახებ ცოტა ხნის წინ ინტერნეტ გამოცემა „თაიმერმა“ გაავრცელა. სააგენტოს ინფორმაციით, ტერიტორიაში კომპანია 2 266 500 ლარს გადაიხდის და ამისთვის მას 30 კალენდარული დღე აქვს. გაყიდული ტერიტორიის მთლიანი მოცულობა კი 33 951 00 კვ. მეტრია.

პირობების მიხედვით, ინვესტორი ვალდებულია აღნიშნულ ტერიტორიაზე 36 თვეში სასტუმრო ააშენოს, რომელსაც ღია და დახურული აუზები, სპორტული მოედნები, ჩოგბურთის კორტები და კეთილმოწყობილი ეზო ექნება.

„ბლექ სი რივიერა“ საქართველოში 2016 წლის 4 მარტს დაფუძნდა და ის საქართველოს ყოფილ პრემიერ-მინისტრთან ბიძინა ივანიშვილთან აფილირებულ „ოლდ სითი დეველოპმენტს“ ეკუთვნის. კომპანია პანამაში რეგისტრირებულ Frankston International -ის საკუთრებაშია. ამასთან, ცნობილია, რომ „ოლდ სითი დსეველოპმენტი“ -ს მეშვეობით იგეგმება „პანორამა თბილისის“ პროექტის განხორციელება.