„ზვიად გამსახურდია – გზა თავისუფლებისკენ“ – ასე ეწოდება ჟურნალისტ ირაკლი შონიას დოკუმენტურ ფილმს, რომლის პრემიერა დღეს ზუგდიდში, კინოთეატრ ატრიუმში შედგა. ფილმი საქართველოს პირველი პრეზიდენტის ზვიად გამსახურდიას სიცოცხლის ბოლო დღეებს ეძღვნება და მთლიანად დოკუმენტურ მასალებზეა აგებული. ფილმი ასევე მოიცავს ზვიად გამსახურდიას დევნილობის პერიოდს და მის გადაადგილებებს 15 სოფელში. ავტორის განცხადებით, დოკუმენტურ ფილმში გამოყენებულია როგორც ინტერნეტიდან მოძიებული, ასევე მათ მიერ შარშან ზაფხულში გადაღებული კადრები. ირაკლი შონიას თქმით, ფილმის მონტაჟი დაახლოებით 6 თვე მიმდინარეობდა.
გადამღებ ჯგუფთან ერთად დოკუმენტურ ფილმზე მუშაობდა ზუგდიდის მუნიციპალიტეტის აკაკი წერეთლის სახელობის ბიბლიოთეკის ხელმძღვანელი. მადონა მაქაცარიას განცხადებით, ფილმი უაღრესად მნიშვნელოვანია მომავალი თაობებისთვის.
ზუგდიდამდე დოკუმენტური ფილმის პრემიერა თბილისში, საჯარო ბიბლიოთეკის საკონფერენციო დარბაზში შედგა.