ლადო პაპავა თსუ-ის რექტორის თანამდებობიდან გადადგა. თსუ-ს აკადემიურმა საბჭომ პაპავას განცხადება გადადგომასთან დაკავშირებით დააკმაყოფილა. ის პირველი მაისამდე რჩება თანამდედობაზე, მანამდე კი უნდა შეარჩიონ რექტორის მოვალეობის შემსრულებელი. 16 მარტს აკადემიური საბჭოს წევრების უმრავლესობის მოთხოვნით რექტორის უფლებამოსილების ვადამდე შეწყვეტის საკითხის განხილვის გადაწყვეტილება მიიღეს. რაც ნიშნავს იმას, რომ აკადემიურმა საბჭომ რექტორის იმპიჩმენტის საკითხი დღის წესრიგში შეიტანა. იმპიჩმენტის საკითხის დღის წესრიგში შეტანას მხარი საბჭოს წევრთა უმრავლესობამ დაუჭირა. რექტორის იმპიჩმენტის პროცედურა 3-ეტაპიანია.
გადაწყვეტილება რექტორის უფლებამოსილების ვადამდე შეწყვეტის თაობაზე მიიღება ფარული კენჭისყრით, სიითი შემადგენლობის უმრავლესობით. ორმა წევრმა (მარიამ გერსამიამ და გიორგი გოგსაძემ საბჭო დატოვეს), ერთი წევრი კი დეკანი გახდა და ამის გამო შეუწყდა საბჭოს წევრის სტატუსი.