დღეს დილით უკრაინის გენერალურმა პროკურორმა ვიქტორ შოკინმა თანამდებობიდან გაათავისუფლა თავისი პირველი მოადგილე დავით საყვარელიძე, რომელიც ამავე დროს ოდესის ოლქის პროკურორია – განცხადება ამის შესახებ გენერალური პროკურატურის ვებგვედზე გამოქვეყნდა . საყვარელიძის დათხოვნის მიზეზად პროკურორი ასახელებს რეორგანიზაციას და გენპროკურატურაში შემოსულ არაერთ წერილს, რომელიც საყვარელიძის მიერ მიერ ორი თანამდებობის შეთავსებას აპროტესტებდა.ინფიორაცია საყვარელიძის გათავისუფლების შესახებ გენპროკურორმა პირადად გაახმოვანა ტელეეთერში, და ერთერთ არგუმენტად მოიყვანა 26 მარტს შემოსული კოლექტიური წერილი , რომელშიც რადას რამდენიმე წევრმა გენპროკურორისაგან დავით საყვარელიძის არა ერთ-ერთი თანამდებობიდან, არამედ საერთოდ პროკურატურის ორგანოებიდან დათხოვნა მოითხოვა. ამასთან, პროკურორის განცხადებით, საყვარელიძის დათხოვნა უკავშირდება მის მიერ საპროკურორო ეთიკის უხეშ დარღვევას.
ბრძანება დავით საყვარელიძის გათავისუფლების შესახებ შესაძლოა ბოლო აღმოჩნდეს შოკინისთვის გენპროკურორის პოსტზე, რადგან სულ რამდენიმე საათში გამართულ სესიაზე უკრაინის რადამ მიიღო დადგენილება მხარი დაუჭიროს პრეზიდენტის გადაწყვეტილებას თავად მისი გადაყენების შესახებ. ამ დადგენილებას უდიდესმა უმრავლესობამ – 289 დეპუტატმა მისცა ხმა.
შეგახსენებთ, მიმდინარე წლის 16 თებერვალს უკრაინის პრეზიდენტმა პეტრო პოროშენკომ შოკინს გადადგომა სთხოვა. ვიქტორ შოკინი უკრაინის გენერალურ პროკურატურას 2015 წლის თებერვლიდან ხელმძღვანელობდა.