ცოტა ხნის წინ, ზუგდიდის მუნიციპალიტეტის სოფელ ინგირში ხანძრის შედეგად სახლი დაიწვა, სადაც არსებული ინფორმაციით, სამი ოჯახი ცხოვრობდა. აქედან ორი აფხაზეთიდანაა დევნილი, ერთი კი ადგილობრივია. სამივე ოჯახი სოციალურად დაუცველია.
ადგილზე მობილიზებული იყო ოთხი ხანძრის საწინააღმდეგო მანქანა და სასწრაფო-სამედიცინო დახმარების ბრიგადა. ხანძრის გაჩენის მომენტში სახლში მცირეწლოვანი ბავშვი იმყოფებოდა. მისი გადარჩენა მეხანძრეებმა შეძლეს.
როგორც დაზარალებულები აცხადებენ, სახლში შეშის ღუმელი არ იყო. ვარაუდობენ, რომ ცეცხლი ელექტროსადენებიდან გაჩნდა.
ამჟამად, სამი ოჯახი უსახლკაროდაა დარჩენილი.