ალჯაზირას  ინფორმაციით დღეს საღამოს აფეთქება მოხდა პაკისტანში, პროვინცია პენჯაბის  დედაქალაქ ლაჰორში . დაღუპულია 53 ადამიანი ( ზოგიერთი ცნობით – 59) , დაშავებულთა რიცხვი კი 100-ს  ჭარბობს. ექიმები შიშობენ, რომ დაღუპულთა რიცხვი შეიძლება გაიზარდოს.  

გავრცელებული ინფორმაციით, თავი თვითმკვლელმა ტერორისტმა აიფეთქა. თუმცა მომხდარზე პასუხისმგებლობა ამ დრომდე არცერთ ტერორისტულ ორგანიზაციას არ აუღია. 

აფეთქება მოხდა ქალაქის პარკში, ცენტრალურ შესასვლელთან მდებარე  ბავშვთა სათამაშო მოედნის სიახლოვეს, სადაც იმ წუთისთვის 200 – მდე ადამიანი, ძირითადად ბავშვები და ქალები იმყოფდებოდნენ. შესაბამისად, აფეთქებას უპირატესად სწორედ ისინი ემსხვერპლნენ. 

ალჯაზირას ცნობით, ახლახან ტერორისტული აფეთქება მოხდა ქალაქ პეშევარშიც, ავტობუსის გაჩერებაზე , რის შედეგადაც დაიღუპა 15, დაშავდა 30 ადამიანი.