24 მარტს მთელ მსოფლიოში ტუბერკულოზთან ბრძოლის საერთაშორისო დღე აღინიშნება.ჯანდაცვის მსოფლიო ორგანიზაციის მონაცემებით, ამ დაავადების შედეგად, ყოველწლიურად 3 მილიონამდე ადამიანი, მათ შორის, 100 000 ბავშვი იღუპება.ერთი წლის განმავლობაში ტუბერკულოზით დედამიწის მოსახლეობის დაახლოებით 1 % ინფიცირდება.ამ დღესთან დაკავშირებით ზუგდიდში პაციენტთა კავშირისა და წითელი ჯვრის მხარდაჭერით ჩატარდა ღონისძიება სახელწოდებით- ტუბერკულოზი განკურნებადია, ტუბერკულოზს საზღვრები არა აქვს.სიმბოლურად რუხის საჯარო სკოლიდან მოსწავლეებმა მსვლელობა მოაწყვეს ენგურის ხიდამდე.მანამდე კი სოლიდარობის აქციაში მონაწილე კლინიკებმა გული, დევნილთა პოლიკლინიკა და ენ ელ აიმ, ასევე იუსტიციის სახლმა ფლაერები დაარიგა.ტუბერკულოზთან ბრძოლის დღე ჯანმრთელობის მსოფლიო ორგანიზაციის ინიციატივით მთელს მსოფლიოში 1992 წლიდან ყოველწლიურად აღინიშნება და მისადაგებულია 1882 წლის 24 მარტს გერმანელი მეცნიერის რობერტ კოხის მიერ ტუბერკულოზის გამომწვევის აღმოჩენის თარიღთან.