მოქალაქე როსტომ ზარანდიამ ზუგდიდის თეატრის გადარჩენის მოთხოვნით პეტიცია გაავრცელა, რასაც odishinews უცვლელად გთავაზობთ:ზუგდიდის თეატრს სულ მალე 150 წელი უსრულდება, 1943-1946 წლებში აშენებული შალვა დადიანის სახელობის პროფესიული სახელმწიფო დრამატული თეატრის შენობა კი დანრევის პირასაა! ავარიულ შენობაში რამდენიმე ადგილას ჩამონგრეულია ჭერი, დაზიანებულია სახურავი, ინგრევა სარეპეტიციო ოთახებიც, ყოველდღიურად ჩნდება ახალი ბზარები და მდგომარეობა დღითი-დღე სულ უფრო მეტად მძიმდება! 2016 წლის იანვრიდან თეატრის ადმინისტრაციამ მაყურებლების და მსახიობების უსაფრთხოების მიზეზით სპექტაკლების გამართვა შეწყვიტა!ვითარება იმდენად საგანგაშოა, რომ გადაუდებელ ჩარევას მოითხოვს! ჩვენ, ამ პეტიციაზე ხელისმომწერნი, მოვითხოვთ ადგილობრივი და ცენტრალური ხელისუფლებისაგან, შენობის აღდენითი/სარემონტო სამუშაოების უახლოეს მომავალში დაწყებას, – თეატრს უნდა ჩაუტარდეს სრულყოფილი რემონტი, აღიჭურვოს თანამედროვე ინფრასტრუქტურით, რათა ქალაქი თეატრის 150 წლის იუბილეს განახლებულ შენობაში შეხვდეს. მოვითხოვთ, რომ ზუგდიდის თვითმმართველობამ შეუნარჩუნოს ჩვენს ქალაქს თეატრის შენობა და უახლოეს მომავალში უზრუნველყოს მისი დროული რეაბილიტაცია! შემოგვიერთდით! ერთად გადავარჩინოთ ზუგდიდის თეატრი!-