თბილისის სახელმწიფო უნივერისტეტისსტუდენტებმა წუხელ საპროტესტო აქციები შეწყვიტეს. სტუდენტების ორივე მხარემ თსუ-ს პირველი კორპუსი დატოვა. შიმშილობა დროებით შეწყვიტეს უნივერსიტეტის პროფესორებმაც, რომელნიც რექტორ ვლადიმერ პაპავას მხარდაჭერის ნიშნად შიმშილობდნენ. უნივერსიტეტის პირველ კორპუსში სასწავლო პროცესი განახლდა.
დაცვისა და უსაფრთხოების სამსახურის მიერ დალუქულია მხოლოდ 115-ე აუდიტორია, სადაც რამდენიმე დღის განმავლობაში სტუდენტები იკრიბებოდნენ და თავიანთ მოთხოვნებს აყენებდნენ.
წუხელ "აუდიტორია N115"-ის წევრებმა გაახმოვანეს გაცხადება, რომლის თანახმად უცვლელი რჩება მათი მოთხოვნა უნივერსიტეტის ავტომონიურობის შესახებ, რაც გულისხმობს მართვის სისტემის დემოკრატიზაციას, თითოეული სტუდენტისა და პროფესურის მაქსიმალური მონაწილეობით.
,,ძირეული ცვლილებების გატარება შეუძლებელია კლანების მიერ მართულ უნივერსიტეტში. ამიტომ ამ დროისთვის ჩვენი მთავარი რადიკალური მოთხოვნაა არა ცალკეული თანამდებობის პირების გადაყენება, არამედ მთლიანად აკადემიური საბჭოს დაშლა, მისი სტრუქტურისა და არჩევის წესის რეორგანიზება, "საკანონმდებლო ცვლილებები აკადემიური საბჭოს გარდა უნდა შეეხოს რექტორის, სენატის და სხვა ინსტიტუტების არჩევის წესს. ამასთანავე, ჩვენ ვითხოვთ საგანმანათლებლო სივცრის სრულ გათავისუფლებას ე.წ. ოდეერებისგან. ამ მიზნით უახლოეს დროში შემუშავდება კონსენსუსზე დაფუძნებული შეთანხმება მთავრობასა და ახალგაზრდობას შორის. ეს ხელშეკრულება არ უნდა ეფუძნებოდეს პარტიულ კონიუნქტურას და არ უნდა ექვემდებარებოდეს გადახედვას. ", – განაცხადა სტუდენტების ამ ნაწილის ლიდერმა ლევან ლორთქიფანიძემ. მისი თქმით, თუ მათი მოთხოვნები 16 აპრილამდე არ დაკმაყოფილდება, ისინი საერთო სტუდენტურ გაფიცვას დაიწყებენ.