დილიდან ვითარება უცვლელია თბილისის სახელმწიფო უნივერსიტეტში. თსუ-ს თვითმმართველობის წევრებმა წუხელ დატოვეს აკადემიური საბჭოს ოთახი, თუმცა მათი მოთხოვნა გადადგეს რექტორი ვლადიმერ პაპავა, უცვლელი რჩება – ისინი 12.00 საათზე, თსუ-ს პირველი კორპუსის ეზოში საპროტესტო აქციის გამართვას აანონსებენ , ამ დროისთვის მხოლოდ თვითმმართველობის პრეზიდენტი შალვა საბაური შიმშილობს.
სტუდენტების მეორე ნაწილი ისევ 115-ე აუდიტორიაში იმყოფება. შიმშილობას აგრძელებენ ლექტორები, რომლებიც მათთან ერთად არ იზიარებენ თვითმმართველობის წევრების მოთხოვნას – ერთადერთ სწორ გამოსავალს ისინი ხედავენ არა რექტორის გადადგომაში, არამედ უმაღლესი განათლების შესახებ კანონის შეცვლაში, კერძოდ ცვლილებში, რომლებიც უნდა შევიდეს თვითმმართველობის სისტემაში, რექტორის, აკადემიური საბჭოსა და სენატის არჩევის პროცესში.
"აუდიტორია 115"-ის წევრები თავის მხრივ საპროტესტო აქციას გეგმავენ დღეს 13.00 საათზე , თვითმმართველობისგან განსხვავებულ დროს , რათა თავიდან იქნას აცილებული ნებისმიერი სახის დაპირისპირება .
თსუ-ს მთელ ტერიტორიაზე პოლიციის თანამშრომლები იმყოფებიან.