დღეს ზუგდიდში, კოსტავას ქუჩაზე, „ათინათის“ მიმდებარე ტერიტორიაზე, ჭაბურღილის ბურღვისას 11 მეტრიან ჭაში მამაკაცი ჩავარდა. შემთხვევის ადგილზე მობილიზებული იყვნენ სამაშველო, სასწრაფო და საპატრულო პოლიციის თანამშრომლები. დაახლოებით ნახევარსაათიანი სამაშველო ოპერაციის შემდეგ მამაკაცი ჭიდან ცოცხალი ამოიყვანეს. მას ადგილზე გადაუდებელი სამედიცინო დახმარება ჩაუტარდა, მოგვიანებით კი ზუგდიდის რეფერალურ ჰოსპიტალში გადაიყვანეს.
როგორც თვითმხილველები აცხადებენ, მამაკაცი სამუშაოებს არაფხიზელ მდგომარეობაში ასრულებდა.