გრძელდება უნივერსიტეტში სტუდენტების აქცია თბილისის სახელმწიფო უნივერსიტეტში. სტუდენტთა ნაწილმა მთელი ღამე უნივერსიტეტის პირველ კორპუსში გაათენა. გუშინდელი ღამის თათბირის შემდეგ, მათ მათ შეცვალეს უნივერსიტეტის სენატის წევრებთან შეხვედრის მოთხოვნა, ასევე არ თანხმდებიან სენატის წინადადებას, ორშაბათიდან მოლაპარაკებების გამართვის თაობაზე.
მთავარი მოთხოვნა – ადმინისტრაციის ხელმძღვანელობის კანდიდატის, გიორგი გაფრინდაშვილის კანდიდატურის მოხსნა ძალაში რჩება, ასევე მოითხოვენ დაიწყოს გამოძიება უნივერსიტეტში ე.წ. ოდეერის ინსტიტუტის არსებობის შესახებ.
„მოვითხოვთ, დაიწყოს სამართლებრივი დავა უნივერსიტეტში არსებული ოდეერის ინსტიტუტის წინააღმდეგ, მოვითხოვთ თვითმართველობის ფუნქციებისა და პრივილეგიების მინიმალიზებას“- აცხადებენ ისინი
დღეს 3 საათზე თბილისის სახელმწიფო უნივერსიტეტის ეზოში დაიწყება აქცია სახელწოდებით „ავტონომია უნივერსიტეტს", მას ილიას უნივერსიტეტის სტუდენტებიც შეუერთდებიან, სოლიდარობის აქციას მართავენ სტუდენტები ბათუმშიც.