დღეს ადამიანის უფლებათა დაცვის კომიტეტი პირველი მოსმენით განიხილავს საპარლამენტო უმცირესობის ალტერნატიულ პროექტს საჯარო რეესტრში ცვლილების შესახებ,
ნაციონალური მოძრაობის მიერ შემუშავებული ეს დოკუმენტი ხელისუფლების მიერ დაურეგისტირებელი მიწის მოსახლეობისთვის უფასოდ გაფორმებას ითვალისწინებს.
"მიწის ნაკვეთი, რომელზეც არსებობს მართლზომიერი საოჯახო საბუთები და ა.შ. მაგრამ არ არის რეგისტრირებული საჯარო რეესტრში, შესაძლოა გახდეს სახელმწიფოს საკუთრება. ჩვენი კანონი მარტივია, ის ითვალისწინებს, რომ სახელმწიფომ მოაგვაროს ეს საკითხი მოქალაქისთვის მარტივად უფასოდ, გააკეთოს რეგისტრაცია და გადასცეს მას საკუთრებაში," -ასე განმარტა გიგი წერეთელმა პროექტის არსი, რომელიც მნიშვნელოვნად განსხვავდება ხელისუფლების მიერ შემუშავებული პროექტისაგან, რომელშიც მიწის გაფორმებისათვის ბიუროკრატიული სირთულეებია ჩადებული და ფინანსურ დანახარჯებს მოითხოვს მოსახლეობისაგან.