„ამერიკის ხმის" ცნობით, ანაკლიის პორტის პროექტი წლის სტრატეგიულ პროექტად დასახელდა  ვაშინგტონში გამართულ „გლობალური ინფრასტრუქტურის ლიდერშიფის ფორუმზე" 

ანაკლიის ღრმაწყლოვანი ნავსადგურის მშენებლობასა და ოპერირებაში გამარჯვებულია „ანაკლიის განვითარების კონსორციუმი" (Anaklia Development Consortium) რომელიც თი-ბი-სი ჰოლდინგისა და ამერიკული Conti International-ის მიერ ერთობლივად დაფუძლებული    კომპანიაა. 

ანაკლიის პორტის მშენებლობა რამდენიმე ეტაპად წარიმართება და მისი საბოლოო გამტარუნარიანობა 100 მილიონი ტონა იქნება. 

პორტი ოპერირებას წელიწადში 7 მილიონი ტონის გამტარუნარიანობის მიღწევისთანავე დაიწყებს, რაც მშენებლობის  დაწყებიდან  არაუგვიანეს  3  წელიწადში  მოხდება. 

როგორც „ანაკლიის განვითარების კონსორციუმის“  წარმომადგენლები აცხადებნ, მშენებლობის პროცესში დასაქმებული იქნება 3400 ადამიანი,  ხოლო   მშენებლობის  დასრულების შემდეგ პორტში 6400 ადამიანი იმუშავებს. 

ანაკლიის ახალი ღრმაწყლოვანი ნავსადგური დაახლოებით 400 ჰექტარზე განთავსდება. პორტი უზრუნველყოფს დიდი ზომის , მათ შორის  10 000 კონტეინერის ტევადობის გემების  მომსახურებას, რომელთა შემოსვლა საქართველოს პორტებში აქამდე პრობლემური იყო.  – იუწყება ,,ამერიკის ხმა''