შინაგან საქმეთა სამინისტრომ ალექსი პეტრიაშვილზე მომხდარი თავდასხმის საქმე გახსნა და ბრალდებული დააკავა. განცხადება ამის შესახებ შინაგან საქმეთა სამინისტროში რამდენიმე წუთის წინ გააკეთეს და ოპერატიული მასალა გაავრცელეს.
შეგახსენებთ, რომ საბურთალოს ძმათა სასაფლაოზე თავისუფალი დემოკრატების აღმასრულებელ მდივანს ალექსი პეტრიაშვილს, 26 თებერვალს, 5 ტყვია იმ დროს ესროლეს, როდესაც ის თავის მეგობრის ლევან მიქელაძის საფლავზე იმყოფებოდა. პეტრიაშვილს ჭრილობები ფეხისა და მუცლის არეში აქვსმიეყენებული, რის შედეგადაც მან 2 გადაუდებელი ოპერაცია გადაიტანა.
თავისუფალი დემოკრატები ძიების მუხლის გადაკვალიფიცირებას ითხოვენ. მათი განმარტებით გამოძიება განზრახ მკვლელობის მცდელობის მუხლით უნდა გაგრძელდეს. მომხდარის გამოძიება შს მინისტრს პირად კონტროლზე ჰყავს აყვანილი.