ვეტერანები მხოლოდ საარჩევნოდ ახსენდებათ – აცხადებენ „საქართველოს დამოუკიდებლობისთვის და ტერიტორიული მთლიანობისთვის მებრძოლ ვეტერანთა კავშირის“ წევრები, რომელთაც დღეს ზუგდიდში, ზვიად გამსახურდიას ძეგლთან ვეტერანებმა საპროტესტო აქცია გამართეს. ვეტერანების განცხადებით, ეს აქცია გამაფრთხილებელია და მათი მოთხოვნების მოთხოვნების დაუკმაყოფილებლობის შემთხვევაში პერმანენტული აქციების ჩატარებას გეგმავენ როგორც ზუგდიდში, ისე თბილისში.
აქციის მონაწილეებს რამდენიმე მოთხოვნა აქვთ – კერძოდ, მოითხოვენ თანამდებობიდან გაათავისუფლონ ვეტერანების საქმეთა სახელმწიფო სამსახურის უფროსი ირაკლი შიხიაშვილი და ორგანიზაციის თავმჯდომარის ვახტანგ ზარანდიას თქმით, უახლოეს დღეებში აპირებენ სათანადო წერილით მიმართონ პრემიერ-მინისტრ გიორგი კვირიკაშვილს. არ შეიძლება საპასუხისმგებლო თანამდებობებზე ინიშნებოდნენ ისინი, ვინც ებრძოდა საქართველოს დამოუკიდებლობას და ტყვიას უშენდა პრეზიდენტ ზვიად გამსახურდიას, ძარცვავდა სამეგრელოს მოსახლეობას და ხელს ითბობდა ძმათამკვლელ ომში აღნიშნა ვახტანგ ზარანდიამ .
შეკრებილებმა ასევე მოითხოვენ შეიქმნას მუდმივმოქმედი საპარლამენტო კომისია , რომელიც გამოიძიებს რა ვითარებაში დაიღუპა პირველი პრეზიდენტი და პოლიტიკურ შეფასებას მისცემს 1991-92 წლების იანვარ-დეკემბრის მოვლენებს.