ქალაქ ზუგდიდის მერიის მიერ 2015 წელს რესტორნის მომსახურეობაში 19495 ლარი დაიხარჯა, რაც მიმდინარე წელს 3 -ჯერ გაზრდილია და ის, ქალაქ ზუგდიდის მუნიციპალიტეტის შესყიდვების წლიური გეგმის მიხედვით 57 150 ლარს შეადგენს. აქედან, 21 000 ლარი – გამარტვივებული შესყიდვით და 36150 ლარი ელექტრონული ტენდერით. ქალაქ ზუგდიდის მუნიციპალიტეტმა მ/წ თებერვლის თვეში 19 000 ლარის ღირებულების 5 სარესტორნო მომსახურეობის შესყიდვა განახორციელა პირდაპირი წესით: შ.პ.ს „რესტორანი სამეფო“ – 7000 ლარი , ხოლო შ.პ.ს „დიარონთან“ და შ.პ.ს „ზუგდიდი ქალაქურთან“ 6000-6000 ლარის. აღნიშნული მომსახურეობის საერთო ღირებულებიდან, როგორც სახელმწიფო შესყიდვის შესახებ ხელშეკრულებით ირკვევა 4000 ლარის ღირებულების მომსახურეობა რესტორნებმა უნდა უზრუნველყონ საკრებულოსთვის. მუნიციპალიტეტის მიერ გაფორმებული ხუთივე ხელშეკრულება მომსახურეობის გაწევას გულისხმობს 2016 წლის 31 დეკემბრის ჩათვლით. ასევე, აღნიშნული სახის მომსახურეობაზე მერიამ ტენდერი გამოაცხადა 13 245 ლარის ღირებულების. როგორც სატენდერო დოკუმენტაციაში არის მითითებული, გამარჯვებულმა კომპანიამ მომსახურეობის გაწევა უნდა უზრუნველყოს ქალაქ ზუგდიდის მუნიციპალიტეტის მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის მიერ კულტურული ღონისძიებების დროს, 2016 წლის 31 დეკმებრის ჩათვლით. განყოფილებების მიხედვით მათი გადანაწილება უნდა მოხდეს შემდეგი სახით: კულტურის განყოფილება – 6063,00 (ექვსი ათას სამოცდასამი) ლარი, განათლების განყოფილება – 1107,00 (ათას ას შვისდი) ლარი, ძეგლთა დაცვის და ტურიზმის განვითარების განყოფილება – 2100,00 (ორი ათას ასი) ლარი, სპორტისა და ახალგაზრდულ საქმეთა განყოფილება – 3975,00 (სამი ათას ცხრაას სამოცდათხუთმეტი) ლარი. აღნიშნულ ტენდერში მხოლოდ, შ.პ.ს „დიარონმა“ მიიღო მომაწილეობა. მერიამ უკვე, დაგეგმილი 57150 ლარიდან 32245 ლარის შესყიდვა განახორციელა.