ზუგდიდში, ცენტრალური სუპერმარკეტის წინ ბაზრის მოვაჭრეებმა პროტესტის ნიშნად გზა გადაკეტეს. ისინი მერიისგან მოსულ ოფიციალურ წერილობით შეტყობინებას აპროტესტებენ, რომელშიც, მათი თქმით, ნათქვამია, რომ ვაჭრობისთვის უკანონოდ აგებული რკინის კონსტრუქცია ორი დღის ვადაში უნდა დაიშალოს. მოვაჭრეების განცხადებით, ამ გადაწყვეტილებით ისინი პრაქტიკულად უმუშევრები რჩებიან და არ მისცემენ მერიის წარმომადგენლებს კონსტრუქციის დაშლის უფლებას.
მათთან ერთად გადაწყვეტილებას ბაზრის ადმინისტრაციაც აპროტესტებს, სადაც აცხადებენ, რომ მერიამ მიწა უკანონოდ მიითვისა და შესაბამისად უკანონოა გამოცხადებული ტენდერი, სადაც კომპანია "ლონდასტემ" გაიმარჯვა.
აღნიშნულ თემაზე ჟურნალისტებთან კომენტარი ქალაქ ზუგდიდის ვიცე-მერმა გააკეთა. გია გულორდავას განცხადებით, მოვაჭრეების აქცია ბაზრის ადმინისტრაციის მიერ არ მართული, ხოლო ტერიტორიის იჯარით გაცემასთან დაკავშირებით აცხადებს, რომ აღნიშნული კანონის სრული დაცვით მოხდა.
ცენტრალური სუპერმარკეტის მიმდებარე ტერიტორიაზე მოვაჭრეების მიერ გადაკეტილი გზის გახსნა სამართალდამცავების მიერ გახდა შესაძლებელი.