მსოფლიო ბანი და „საქართველოს განვითარების ფონდის“ ხელმძღვანელი დღეს ზუგდიდში იმყოფებოდა. პაატა ბურჭულაძემ ფონდის ზუგდიდის ორგანიზაცია მოინახულა, ადგილზე გაეცნო არსებულ მდგომარეობას და მოგვიანებით ქალაქის ცენტრშიც გავიდა, სადაც რამდენიმე მოქალაქეს გაესაუბრა და არსებული მდგომარეობით დაინტერესდა. ბურჭულაძის განცხადებით, უფრო ფართომასშტაბიან შეხვედრებს ზუგდიდში ის მოგვიანებით გეგმავს. მსოფლიო ბანის შეფასებით, ქვეყანაში ძალიან მძიმე მდგომარეობა და ხალხში უიმედობაა.
პაატა ბურჭულაძემ შეკრებილ საზოგადოებას დღეს „საქართველოს განვითარების ფონდის“ სამეგრელო-ზემო სვანეთის ახალგაზრდული ორგანიზაციის ხელმძღვანელიც წარუდგინა. დავით დგებუაძემ დღეს ახალგაზრდებს მოუწოდა, გაერთიანდნენ „საქართველოს განვითარების ფონდში“, რათა მოხდეს მათი პრობლემების, საჭიროებების იდენტიფიცირება და გამოსავლის ძიება.
მსოფლიო ბანი და „საქართველოს განვითარების ფონდის“ ხელმძღვანელი ზუგდიდამდე ფოთში იმყოფებოდა, სადაც ადგილობრივ მოსახლეობას შეხვდა და მათ პრობლემებს გაეცნო.