ალექსი პეტრიაშვილს რესპუბლიკურ საავადმყოფოში ოპერაცია უტარდება, მას სამი ტყვია აქვს მოხვედრილი

0
416

 "თავისუფალი დემოკრატების" ერთ-ერთ ლიდერს ალექსი პეტრიაშვილს რესპუბლიკურ საავადმყოფოში ოპერაცია უტარდება. მას 3 ტყვია აქვს მოხვედრილი  –  ორი ქვემო კიდურებში, ერთი-  წელ-ზურგის არეში.,

რესპუბლიკური საავადმყოფოს გენერალური დირექტორის, ავთანდილ იმედაძის განცხადებით, ალექსი პეტრიაშვილს  თავის არეში აღენიშნება  ნაფლეთი ჭრილობაც, რომელიცსავარაუდოდ, ბლაგვი საგნით განხორციელებული .  ექიმები დაჭრილი პოლიტიკოსის ჯანმრთელობის მდგომარეობს აფასებენ როგორც სტაბილურს  და აცხადებენ, რომ  მის სიცოცხლეს საფრთხე არ ემუქრება. 

შინაგან საქმეთა სამინისტროს ცნობით, დღეს თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს დღეს დაჭრეს. 

 ალექსი პეტრიაშვილის დაჭრის ფაქტზე დანაშაულის მოტივის დადგენის მიზნით პოლიციაში სამი პირის გამოკითხვა მიმდინარეობს.  გამოკითხვაზეა დაბარებული პეტრიაშვილის მეუღლე, ეკა მიშველაძეც. 

შსს-გამოძიების წინასწარი ინფორმაციით, თავდასხმის მომენტში ალექსი პეტრიაშვილი საბურთალოს პანთეონის ძმათა სასაფლაოზე, .ყოფილი დიპლომატის – ლევან მიქელაძის საფლავზე სამ მეგობართან ერთად იმყოფებოდა.

მომხდარის შესახებ შეტყობინება გადაუდებელი დახმარების ოპერატიული მართვის ცენტრ 112-ში ახლომდებარე საცხოვრებელ კორპუსში მცხოვრები მოქალაქისგან შევიდა.

შინაგან საქმეთა სამინისტროს ქალაქ თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

შემთხვევა  შსს მიმართავს ფაქტის თვითმხილველ პირებს, დანაშაულის დროულად გამოძიების მიზნით, ითანამშრომლონ სამართალდამცავ ორგანოებთან.

 

წინა სტატიადღეს პარლამენტის ეროვნულ ბიბლიოთეკაში ოფიციალურად იხსნება რობერტ აბსანძის ნამუშევრების გამოფენა
შემდეგი სტატიაერთად გავიცნოთ ევროპა
ტელეკომპანია ოდიშის საინფორმაციო სამსახური