თბილისის მერი დავით ნარმანია უარყოფს ინფორმაციას მის მიერ დედაქალაქის მერის პოსტის შესაძლო დატოვების შესახებ და აცხადებს, რომ ეს საკითხი დღის წესრიგში არ დგას ადგილობრივი თვითმმართველობის მომავალ არჩევნებამდე, რომელიც 2017 წლის ოქტომბერში გაიმართება. თუმცა იგი ვერ მალავს გაღიზიანებას ექსპერტების მიერ მედიაში სულ უფრო ხშირად გამოთქმულ მიოსაზრებაზე, რომ იგი ამ პოსტზე ბოლო დღეებს ითვლის – ჩვენი მტრისთვის იყოს ბოლო დღეები" – აცხადებს იგი ჟურნალისტევბის კითხვის პასუხად.
სოციალურ ქსელში დავით ნარმანიას გაღიზიანება უკავშირდება ლევან ვასაძის მიერ ,,კვირის პალიტრასთან"' ინტერვიუში გამოთქმულ თვალასაზრისს, რომ თბილისს ახალი მერი სჭირდება, რადგან ამჟამინდელი მერი დედაქალაქში არსებულ გამოწვევებს თავს ვერ ართმევს და "თავადაც ძალიან გაწვალდა მერის თანამდებობაზე".
"ეუბნებოდა მთელი თბილისი "ქართულ ოცნებას", არ ქნათ ეგ საქმე, ვერ ივარგებსო, მაგრამ მაინც თავისი გაიტანეს, რადგან მიშას გადაგარჩინეთ, ახლა დაგვიჯერეთო. ნურავის ნუ ეწყინება, მაგრამ ჩემი აზრით, თბილისს ახალი მერი სჭირდება, რომელიც უფრო შესატყვისი იქნება ქალაქის წინაშე მდგომი კულტურული და სოციალური გამოწვევებისა", – განაცხადა ლევან ვასაძემ