,,მთავრობის მიერ წარმოდგენილი კანონპროექტით დადგა საშიშროება, რომ გლეხმა მიწა დაკარგოს'' – აცხადებს „ერთიანი ნაციონალური მოძრაობა“ და გამოტქვამს მზაობას მიწის რეგისტრაციასთან დაკავშირებული ალტერნატიული კანონპროექტი შესთავაზოს პარლამენტს.
ამის შესახებ ითქვა დღევანდელ პრესკონფერენციაზე,რომელიც პარტიის წარმომადგენლებმა გიგი წერეთელმა და გიორგი ღვინიაშვილმა გამართეს.
ჩვენ პარლამენტში შეგვაქვს კანონპროექტი, რომელიც შემუშავებულია მოსახლეობის ინტერესების გათვალისწინებით და იმ პრობლემების თავიდან ასაცილებლად, რომელიც უსათუოდ მოყვება მთვაერობის მიერ წარდგენილი კანონპროექტის დამტკიცებასა და რეალიზაციას , რადგან მისი ამოქნმედების შემთხვევაში, თუ პიროვნებას მიწაზე მართლზომიერი მფლობელობის დამადასტურებელი დოკუმენტი არ აქვს, ასეთი მიწები სახელმწიფო საკუთრებაში მოექცევა.- განაცხადეს მათ.
ალტერნატიული პროექტის არსებითი განსხვავება მთავრობის მიერ წარდგენილისაგან იმაში მდგომარეობს, რომ იმ შემთხვევებში, როდესაც გლეხს არა აქვს მიწაზე მფლობელობის დამადასტურებელი წერილობითი დოკუმენტები, მაგრამ არსებობს სხვა მტკიცებულებები, რომლითაც შესაძლებელია საჯარო რეესტრში დარეგისტრირება, ეს უსასყიდლოდ უნდა გააკეთდეს და გლეხს მიწა საკუთრებაში გადაეცეს.“ – აცხადებენ პარტიაში.