ხვალიდან საქართველოს მთელ ტერიტორიაზე ამინდის გაუარესებაა მოსალოდნელი. გარემოს ეროვნული სააგენტოს მონიტორინგისა და პროგნოზირების ცენტრში აცხადებენ, რომ დასავლეთ საქართველოში ხვალ ქარია მოსალოდნელი, ხოლო აღმოსავლეთ საქართველოში ჰაერის ტემპერატურა მკვეთრად დაიკლებს და ზოგან ნალექი იქნება. აღმოსავლეთ საქართველოში ღამით-2-3 გრადუსი იქნება, დღისით2-7 გრადუსი. დედაქალაქში ღამისა და დილის საათებში ნალექი იქნება, სავარაუდოდ თოვლჭყაპის სახით, მოსალოდნელია ნისლი და ღამით ტემპერატურა1-4 გრადუსი იქნება. დასავლეთ საქართველოში ღამით ზოგან წვიმაა მოსალოდნელი, იქროლებს აღმოსავლეთის ძლიერი ქარი, ტემპერატურა დღისით12-17 გრადუსი იქნება. მთაში ზოგან წვიმა და თოვლია მოსალოდნელი, მაღალმთაში მოთოვს.