რუსეთის კონტროლი ინტერნეტზე იქნება კატასტროფა, საცალო ინტერნეტის ქსელი უფრო დიდი პრობლემაა, ვიდრე რუსეთის სამხედრო ბაზა თბილისში, მთავრობას ძინავს – ასეთ კომენტარებს აკეთებს “კავკასუს ონლაინსა” და “ბილაინს” შორის მიმდინარე მოლაპარაკებაზე კომპანია „მაგთიკომის“ პრეზიდენტი დევიდ ლი.
როგორც დევიდ ლი სოციალურ ქსელში წერს, მალე საქართველოს ინტერნეტი არ იქნება თავისუფალი, პირიქით, ოკუპანტზე იქნება დამოკიდებული.
„რა თქმა უნდა,როგორც მოქალაქე ვფიქრობ, რომ სახიფათო და გიჟი გადაწყვეტილებაა“,-წერს „მაგთიკომის“ პრეზიდენტი.
მისივე თქმით, „მხოლოდ იდიოტი მიყიდის ინტერნეტის ქსელს მტერს, რომელიც არის ოკუპანტი თავის ქვეყანაში“.
როგორც დევიდ ლი წერს, სამწუხაროდ ყოფილი პრეზიდენტის საერთაშორისო იმიჯი არ არის საკმარისი დღეს აქ ან დასავლეთში.
„მიმდინარე მთავრობას ძინავს. მუქარა რუსეთიდან არის ძალიან სერიოზული. „გაზპრომი“ და ვიმპელკომი არიან რუსული კომპანიები, გაზი და ინტერნეტი – სტრატეგიული რესურსები. მე სულ ვერ გავიგე, რატომ მთავრობამ არ იცის ის, რომ რუსეთის კონტროლი ინტერნეტზე იქნება კატასტროფა სიტყვის თავისუფლებისთვის …საცალო ინტერნეტის ქსელი არის უფრო დიდი პრობლემა, ვიდრე ახალი რუსეთის სამხედრო ბაზა დედაქალაქში“,-აცხადებს დევიდ ლი.
დევიდ ლიმ დღეს 2030-სთან კომენტარი არ გააკეთა და აღნიშნა, რომ განმარტებებს ხვალ გააკეთებს. „მაგთიკომის“ პრესსამსახურში კი გვითხრეს, რომ რასაც ლი სოციალურ ქსელში წერს, მხოლოდ მისი მოსაზრებაა.