დღეს თბილისში პარლამენტის შენობასთან ფრაქცია ქართული ოცნება-მრეწველების თავმჯდომარის გოგი თოფაძის გუშინდელი განცხადების საპასუხო აქციაა დაგეგმილი. მოსალოდნელია, რომ არასამთავრობო სექტორის მიერ ორგანიზებულ ამ აქციას, ფართო საზოგადოებს წარმომადგენლებიც შეუერთდებიან. აქციის ორგანიზატორებს მიაჩნიათ, რომ დეპუტატმა იმავე ტრიბუნიდან უნდა მოიხადოს ბოდიში, სადაც მან ,,ქართველი ხალხისათვის შეურაცხმყოფელი და დამაკნინებელი განცხადება'' გააკეთა, თუმცა თავად პოლიტიკოსი ბოდიშის მოხდას არ აპირებს, მისი თქმით, ბოდიში თავად პრეზიდენტს აქვს მოსახდელი. ამის შესახებ მან დღეს მთავრობის სხდომაზე მისულმა განაცხადა .
დეპუტატის გუშინდელ გამონათქვამს პრეზიდენტის მისამართით, რომელიც ასევე არაკორექტულია მოსახლეობის მნიშვნელოვანი ნაწილის მიმართ, მწვავედ აკრიტიკებენ როგორც ოპოზიციური პარტიებისა და არასამთავრობო სექტორის, ისე საპარლამენტო უმრავლესობისა და მთავრობის ცალკეული წარმომადგენლები.
გოგი თოფაძეს ბოდიშის მოხდისკენ მოუწოდებენ მინისტრთა კაბინეტის წევრები. მათ განმარტებები მთავრობის სხდომაზე გააკეთეს.
,, ეს განცხადება სცდება ყველანაირი დასაშვებობის ჩარჩოს. მე არ მგონია, რომ თუნდაც ბოდიშის მოხდა მოხდა იყოს პრობლემა," – განაცხადა იუსტიციის მინისტრმა თეა წულუკიანმა. – ყველა იმ ბავშვს და მათ მშობლებს, ვისაც ეს თემა პირადად შეეხო, პირადად ვუხდი ბოდიშს. ''
გოგი თოფაძე საპარლამენტო ოპოზიციამაც გააკრიტიკა. ნაციონალურ მოძრაობაში მის განცხადებას გაუწონასწორებელი და შეურაცხმყოფელი უწოდეს. ერთიანი ნაციონალური მოძრაობის წევრმა ლევან ბეჟაშვილმა განაცხადა, რომ პარლამენტში ეთიკური ნორმები გამუდმებით ირღვევადა პარლამენტის ხელმძღვანელობამ ამ მიმართულებით რაღაც ნაბიჯები აუცილებლად უნდა გადადგას".
უფლებადამცველები პოლიტიკური პასუხისმგებლობის აუცილებლობაზეც საუბრობენ. შესაბამისად, დღეს სამოქალაქო სექტორის ნაწილმა უკვე დაიწყო ხელმოწერების შეგროვება, ისინი მიმართავენ პარლამენტს, გოგი თოფაძისთვის დეპუტატის მანდატის შეჩერების მოთხოვნით.
შეგახსენებთ, გოგი თოფაძემ პრეზიდენტის ყოველწლიური ანგარიშის მოსმენის შემდეგ, პარლამენტის ტრიბუნიდან განაცხადა, რომ გიორგი მარგველაშვილის მისამართით "რამდენიმე კრიტიკა" აქვს და მათ შორის ის, რომ მან ,,ქართველი ხალხი დაუნებს შეადარა" . როგორც გოგი თიფაძემ მისი გამოსვლის შემდეგ ატეხილი აჟიოტაჟის პასუხად განმარტა, იგი გულისხმობდა მარგველაშვილის სტატიას სახელწოდებით ,,ნიჩურტა მე ქართველი ვარ", რომელიც რამდენიმე წლის წინათ გამოქვეყნდა ჟურნალში ,,დრო მშვიდობისა"