მძღოლების აქცია მეტრო+ ის წინააღმდეგ გრძელდება. ამ წუთებში ისინი ავტოსადგურის ტერიტორიაზე არიან შეკრებილები და აცხადებენ, რომ, არ დაუშვებენ თურქული კომპანიის შემოსვლას ზუგდიდში. მძღოლები ამბობენ, რომ მათ უკან დგანან ოჯახები, მათ აქვთ ბანკების ვალები და იმ შემთხვევაში, თუ მათი მოთხოვნები არ დაკმაყოფილდება, ისინი გააგრძელებენ პერმანენტულ აქციებს. ასევე გაფიცული მძღოლები მოუწოდებენ ხელისუფლებას ჩაერიონ ამ ინციდენტის მოგვარებაში და გაითვალისწინონ მათი მოთხოვნები. მძღოლები ელოდებიან პროფკავშირების წარმომადგენელსაც, რომელიც თბილისიდან შემოუერთდება მძღოლებს. შეგახსენებთ, რომ მეტრო +-ის ავტობუსები სადგურზე რამდენიმე დღის წინ შემოვიდნენ, რასაც ადგილობრივი მძღოლების პროტესტი მოჰყვა.