ამერიკის ელჩი იან კელი დღეს ზუგდიდს ეწვია.ელჩმა სხვადასხვა ორგანიზაციაში ოფიციალური შეხვედრები გამართა.ზუგდიდის ცენტრალური ბიბლიოთეკის ამერიკულ კუთხეში ამერიკელ დიპლომატს ამერკული კუთხის მოხალისე ბავშვები დახვდნენ, რომლებმაც თავიანთი ნამუშევრები გამოფინეს და ელჩს გაესაუბრნენ.ბიბლიოთეკის დარბაზში იან კელს ამერიკული კუთხის ბავშვების მონაწილეობით საზეიმო დახვედრა მოუწყვეს. მსმენელებმა ქართული ხალხური სიმღერები და ცეკვა შეასრულეს. ელჩმა ამერიკული კუთხის შესაძლებლობებზე ისაუბრა და აღნიშნა, რომ ამერიკულ კუთხეს გააჩნია უდიდესი პოტენციალი ამ ახალგაზრდების სახით და შეუძლია მას გამოიყენოს მათი ენერგია, ასევე მნიშვნელოვანია ის გეოგრაფიული მდებარეობა, რომელიც მას აკავშირებს შავ ზღვასთან. ზუგდიდს შეუძლია გახდეს ადმინისტრაციული ცენტრი, რომელიც პირობითი საზღვრის მიღმა მცხოვრებ ადამიანებთან დაახლოების საუკეთესო შანსია.ელჩმა ასევე ისაუბრა ჰააგის სასამართლოს მიერ აგვისტოს ომის გამოძიების შესახებ და აღნიშნა, რომ 2008 წლის ომი არ არის გამჭვირვალედ განხილული, რუსეთი არ ასრულებს იმ ხელმოწერილი დებულებებით გათვალისწინებულ ვადებულებებს, რომლის მიხედვითაც ის უნდა დაუბრუნდეს იმ პოზიციებს, რომელიც მას 2008 წლის აგვისტომდე ეკავა.