ხმაური იყო ზუგდიდში, სოხუმის ქუჩაზე მდებარე ავტოსადგურის ტერიტორიაზე, სადაც თბილისის მიმართულებით მოძრავი ავტობუსებისა და მიკროავტობუსების მძღოლები შეიკრიბნენ. სიტუაციის დაძაბვა  სატრანსპორტო კომპანია „მეტრო პლიუსის“ კომპანიის კუთვნილი ავტობუსის შემოსვლას მოჰყვა. რომელმაც  პირველი რეისი უკვე შეასრულა დედაქალაქის მიმართულებით. ადგილზე მობილიზებული იყო სამართალდამცავების დახმარებით „მეტრო პლიუსის“ კუთვნილი ავტობუსი მოწინააღმდეგე მძღოლების პროტესტის და სიტყვიერი შეურაცხყოფა მოყვა, საპროტესტო აქციაზე, რომელსაც მიკროავტობუსების და ავტობუსების მძღლოები მართავენ, რამდენიმე პირი დააკევეს.  აქციის მონაწილეებმა კვერცხები დაუშინეს „მეტრო +“-ის ავტობუსებს, რომელიც ავტოსადგურის ტერიტორიაზე დგას. აქციის მონაწილეებმა გზის გადაკეტვაც სცადეს, თუმცა სამართალდამცავებმნა მათ ამის ნება არ მისცეს.მძღოლების განცხადებით, აპროტესტებენ ახალი სატრანსპორტო კომპანიის შემოსვლას ზუგდიდში. მათი განცხადებით, მეტრო პლიუსი თურქული კომპანიაა და მათი თქმით, ისინი კატეგორიული წინააღმდეგნი არიან აღნიშნული კომპანიის შემოსვლით. მძღოლები აცხადებენ, რომ აღნიშნული მოთხოვნით გაფიცვას გააგრძელებენ. რაც შეეხება მეტრო პლიუსს, კომპანიის დირექტორი აცხადებს, რომ ხელშეკრულება ავტოსადგურთან გაფორმებულია და ისინი კანონის სრული დაცვით მუშაობენ. დავით დიდიშვილის განცხადებით, მძღოლების უკმაყოფილების მიზეზი მათ მიერ გაგმზავრების მსურველთათვის შეთავაზებული კომფორტი და უსაფრთხოებაა.სატრანსპორტო კომპანია „მეტრო პლიუსის“ წინააღმდეგ დედაქალაქის მიმართულებით მოძრავი ავტობუსებისა და მიკროავტობუსების მძღოლები აქციას უკვე მერამდენედ მართავენ. ისინი აცხადებენ, რომ პერმანენტულ აქციებს მანამ მიმართავენ,სანამ მათი მოთხოვნები არ დაკმაყოფილდება.