განათლების სამინისტროს ინფორმაციით, გრიპის ვირუსის გავრცელების პრევენციის გამო, სასწავლო პროცესი, 29 იანვრის მონაცემებით, 282 სკოლაშია შეჩერებული. აღნიშნული მონაცემები 28 იანვრის შემდეგ შეიცვალა, და 267 სკოლას დაემატა კიდევ 15 საჯარო სკოლა.
როგორც "ინტერპრესნიუსს" განათლებისა და მეცნიერების სამინისტროში განუცხადეს, მონიტორინგს უწყვეტად ახორციელებენ.
რაც შეეხება დიდთოვლობისა და უამინდობის გამო სასწავლო პროცესის შეჩერებას, აღნიშნული მიზეზით, საქართველოს მასშტაბით, სასწავლო პროცესი 61 საჯარო სკოლაშია შეწყვეტილი.
დღეის მონაცემებით, საქართველოში სულ 343 სკოლაშია სასწავლო პროცესი შეჩერებული.
სასწავლო პროცესი გრიპის ვირუსის გამო 282, უამინდობის გამო კი – 61 სკოლაშია შეჩერებული
Published on