არასამთავრობო ორგანიზაცია "ART-UNIVERSAL"-ის ორგანიზებით, ქალაქ ზუგდიდში კვლავ ჩამობრძანდება უდიდესი ქართველი კლასიკოსი მწერალი გურამ დოჩანაშვილი. 2 თებერვალს 15:00 საათზე, ქალაქ ზუგდიდის სამხატვრო გალერეაში გაიმართება მწერლის ახალი რომანის "ბრმადყოფილი" პრეზენტაცია. ზუგდიდის საზოგადოებას წიგნს თავად ავტორი წარუდგენს. ასევე შესაძლებელი იქნება წიგნის შეძენა. ფასი: 15 ლარი.
შეგახსენებთ, რომ არტ-უნივერსალის ორგანიზებით მწერალი ადრეც მოიწვია ზუგდიდში, 26 მარტს სამეგრელოში უდიდესი კლასიკოსი მწერლის, გურამ დოჩანაშვილის საღამო აღინიშნა, საღამო შედგა საინიციატივო ჯგუფის "ვიზრუნოთ პატარებზე", კულტურის ცენტრ "ოდიშისა" და შალვა დადიანის სახელობის სახელმწიფო დრამატული თეატრის ორგანიზებით.
ART-UNIVERSAL-ი და მისი ხელმძღვანელი ხატია ჯანაშია ზუგდიდში არაერთი შემოქმედებით საღამოსა და კულტურული ღონისძიებების ორგანიზატორია, ჯგუფი ასეთ საღამოებს თანაქალაქელებს მომავალშიც პირდება.