სინოპტიკოსები უახლოეს დღეებში მთელი ქვეყნის მასშტაბით თოვლსა და ყინვას პროგნოზირებენ.

გარემოს ეროვნული სააგენტოს  განცხადებით, თოვლი 25 იანვრამდე შენარჩუნდება, 27 იანვარს კი მთელ საქართველში ძლიერი ყინვაა მოსალოდნელი.

ამჟამად მთელ საქრთველოში თოვს, ზოგან ძლიერად, თოვლი შენარჩუნდება 25 იანვარსაც. 27 იანვარს ღამით   როგორც  მაღალმთიან რაიონებში, ისე დაბლობში, ბარში მოსალოდნელია ყინვა. დასავლეთ საქართველოს დაბლობში, სანაპირო რაიონებში, მინიმალური ტემპერატურა  დაახლოებით -7 გრადუსამდე დაეცემა, . აღმოსავლეთ საქართველოს ბარში, ზოგიერთ რაიონში ყინვამ შეიძლება 10 გრადუსს გადააჭარბოს. 

ინტენსიური თოვის გამო საქართველოს რეგიონებში ტრანსპორტის გადაადგილება ნაწილობრივ შეზღუდულია, ზოგიერთ ადგილებში კი მოქმედებს აკრძალვებიც.  

საავტომობილო გზების დეპარტამენტის ოფიციალურ ვებგვერდზე განთავსებული ინფორმაციის თანამხმად ამ დროისათვის ინტენსიური თოვის და ლიპყინულის გამო, თბილისი–სენაკი–ლესელიძის საავტომობილო გზის (ჩუმათელეთი-ხევი) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

გარკვეული აკრძალვები დაწესდა ასევე ზუგდიდი-ჯვარი-მესტია-ლასდილის საავტომობილო გზის (ჯვარი-უშგული) მონაკვეთზე –  აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა.