სამების საკათედრო ტაძარში ნათლისღების სადღესასწაულო ლიტურგია მიმდინარეობს.
საქართველოს კათალიკოს-პატრიარქი ლიტურგიასთან ერთად ჩვილთა 42-ე საყოველთაო ნათლობას ჩაატარებს – მისი ნათლული დღეს კიდევ 659 ბავშვი გახდება.
პატარებს საჩუქრად ჯვარი, ნათლობის მოწმობა და საშობაო ეპისტოლე გადაეცემათ.
ნათლობა სამების საკათედრო ტაძარში დღის მეორე ნახევარში დაიწყება, რომლის დასრულების შემდეგ ილია II ტაძარში შეკრებილებს მცირე ქადაგებით მიმართავს და ნათლულებს დალოცავს.
წირვის შემდეგ დაიწყება წყალკურთხევის რიტუალი.