წუხელ თბილისში, ლესელიძის ქუჩაზე ტელეკომპანია ,,ტაბულას'' თანამშრომლებზე თავდასხმა მოხდა – რესტორან ,,ჭაშნაგირში'' მყოფ ჟურნალისტებს ნინო მაჭარაშვილს, ლევან სუთიძეს, ირაკლი კიკნაველიძეს თანამშრომლებს და ავთო ქორიძეს რამდენიმე უცნობმა პირმა ჯერ სიტყვიერი, შემდეგ კი ფიზიკური შეურაცხყოფა მიაყენა და რესტორნის ინვენტარი დაააზიანა.
ტაბულას ტელეწამყვანი ლევან სუთიძე ამბობს, რომ თავდამსხმელები მოტივად რელიგიურ თემატიკაზე მომზადებულ გადაცემებსა და რეპორტაჟებში ,,ეკლესიის გინებას" ასახელებდნენ. მძიმე დაზიანებები არც მას და არც მასთან ერთად მყოფ სხვა პირებს არ მიუღიათ.
შემთხვევის ადგილზე საპატრულო პოლიცია მივიდა, თუმცა არსებული ინფორმაციით, არც ერთი თავდამსხმელი დაკავებული არ არის. შსს-მ გამოძიება სისხლის სამართლის კოდექსის 125-ე მუხლით, ცემის ფაქტზე დაიწყო.
დღეს დილით მომხდართან დაკავშირებით განცხადება გააავრცელა საქართველოს ჟურნალისტური თიკის ქარტიის საბჭომ/ საბჭო მოუწოდებს სამართალდამცავ ორგანოებს დროულად გამოიძიონ ჟურნალისტებზე თავდასხმის ფაქტი. საბჭოს განცხადებით, დაუშვებელია პროფესიული საქმიანობის გამო ჟურნალისტზე თავდასხმაან რაიმე ტიპის ძალადობა.