ხმაური იყო დღეს ზუგდიდის ცენტრალურ სუპერმარკეტში. ბაზრის მიმდებარე ტერიტორიაზე არსებული კონსტრუქციის გამო შპს "სუპერმარკეტისა" და შპს "ლონდასტეს" წარმომადგენლებს შორის სიტყვიერი დაპირისპირება მოხდა. როგორც ცენტრალური სუპერმარკეტის ადმინისტრაცია აცხადებს, ის არ აპირებს აღნიშნული ტერიტორიის ახალი მფლობელისთვის დათმობას, რადგან არსებული კონსტრუქცია მას ეკუთვნის. ბაზრის ადმინისტრაციის პოზიციას იზიარებენ ადგილზე მოვაჭრეებიც, მათი თქმით, თანამშრომლობა ისევ ბაზრის ადმინისტრაციასთან ურჩევნიათ. კონკრეტულად თუ რატომ, ამაზე ისინი კამერის წინ არ საუბრობენ. ხმაურისა და დაპირისპირების მიმდინარეობისას ადგილზე მობილიზებულნი იყვნენ სამართალდამცავები, რომლებმაც ორივე მხარის წარმომადგენლები პოლიციის სამმართველოში გადაიყვანეს.შპს „ლონდასტეს“ წარმომადგენელი მთვარისა ფუტკარაძე აცხადებს, რომ შექმნილი სიტუაციიდან გამომდინარე მას არ ეძლევა განახორციელოს საკუთარი სამეწარმეო საქმიანობა. მისივე თქმით, აღნიშნული დავა სასამართლოს მეშვეობის უნდა დარეგულირდეს.ზუგდიდის ცენტრალური სუპერმარკეტის მოვაჭრეებმა აღნიშნული მოთხოვნით აქცია უკვე მეორედ გამართეს. ამ დრომდე ტერიტორიის მოიჯარეს საკუთარი უფლებამოსილების განხორციელების საშუალება არ ეძლევა.