ხმაური და დაპირისპირება იყო შპს სუპერმარკეტის ტერიტორიაზე, მოვაჭრეებმა ბაზარში ახალი მფლობელი შპს „ლონდასტეს“ წარმომადგენელი არ შეუშვეს. საქმე ეხება 544 კვ. მ. მიწის ნაკვეთს, რომელიც ზუგდიდის მერიამ იჯარის სახით 5 წლის ვადით გაასხვისა.
ბაზრის ადმინისტრაციაში ამბობენ, რომ მერიის მიერ გამოცხადებულ აუქციონში მონაწილეობა არ მიუღია, იმ მიზეზით რომ მოვაჭრეებს გადასახადს ვერ გაუზრდიდა.შპს ცენტრალური სუპერმარკეტის დირექტორი აცხადებს, რომ მიწინ ნაკვეთზე პრეტენზია არ გააჩნია, გარდა იმ კონსტრუქციისა, რომელიც ამ ტერიტორიაზე დგას.მერიის ეკონომიკისა და ინფრასტრუქტურის განვითარების სამსახურის უფროსიჯიმშერ შეროზია აცხადებს, რომ მერიამ კანონიერად დაისაკუთრა მიწის ნაკვეთი ბაზრის ტერიტორიაზე, რომლის მფლობელსაც ვალდებულება აქვს ბიუჯეტში ყოველწლიურად 67 ათასი ლარი შეიტანოს, ხოლო რაც შეეხება, კონსტრუქციას, შეროზიას განმარტებით, ის მერიის საკუთრება არ არის.შპს ლონდასტემ ტერიტორიის 5 წლის სარგებლობით უფლება 2014 წლის დეკემბერში აუქციონის წესით მიიღო.