ქუთაისში გუშინ მთელი ღამის განმავლობაში თოვდა. თოვლის საფარმა 30 სანტიმეტრს გადააჭარბა. ძლიერი ნალექის და ყინვის გამო ქალაქში საავტომობილო მოძრაობაც შეფერხდა. შესაბამისი სამსახურები მთელი ღამის განმავლობაში გაწმენდით სამუშაოებს ატარებდნენ. ტექნიკური მარილის და ქვიშის დაყრა ქუთაისის გზებზე ამ დრომდე გრძელდება. უამინდობის გამო ქუთაისის აეროპორტში წუხელ დაგეგმილი ვარშავის რეისი ვერ შესრულდა. არსებული ინფორმაციით, გადადებული რეისები 5 იანვარს უკვე გამთენიისას შესრულდება.