პარლამენტის თავმჯდომარის დავით უსუფაშვილის თქმით, საპარლამენტო უმრავლესობა პრემიერის ახალ კანდიდატურას უახლოეს შვიდი დღეში დაასახელებს, მთავრობის ახალი შემადგენლობის შესახებ კი პარლამენტი 28-29 დეკემბერს იმსჯელებს. განცხადება ამის შესახებ მან დღევანდელი ბიუროს სხდომის მიმდინარეობისას გააკეთა.
"7 დღის განმავლობაში საპარლამენტო უმრავლესობამ უნდა გამოკვეთოს მომავალი პრემიერმინისტრობის კანდიდატი, წარუდგინოს პრეზიდენტს, რომელიც კანდიდატს ოფიციალურად წამოაყენებს. პრემიერმინისტრობის ახალი კანდიდატი მთავრობის ახალი შემადგენლობის ფორმირებას დაიწყებს. დანიშვნის მომენტამდე დღევანდელი მთავრობა, პრემიერი, მინისტრები მუშაობას აგრძელებენ,"- განაცხადა დავით უსუფაშვილმა.
შეგახსენებთ არაოფიციალური ინფორმაციით პრემიერ მინისტრის პოსტზე როგორც მინიმუმ ოთხი კანდიდატურა განიხილება, მათ შორის ყველაზე რეალურ კანდიდატებად მედიაში გიორგი კვირიკაშვილი და დავიტ სერგიენკო სახელდებიან