2 ადამიანი დაშავდა სტამბოლის საბიჰა გოქჩენის სახელობის აეროპროტში დღეს დილით მომხდარი აფეთქების შედეგად. აფეთქება თვითმფრინავების სადგომთან მოხდა, ამ ზონაში მგზავრები არ იმყოფებოდნენ, დაშავებულები აეროპორტის თანამშრომლები არიან, ორივე საავადმყოფოშია გადაყვანილი, მათ შორის ერთის მდგომარეობა განსაკუთრებით მძიმეა. აფეთქების მიზეზი ჯერჯერობით დადგენილი არ არის, თუმცა გამოიტქმის ვარაუდი, რომ ეს ტერორისტების მორიგი გამოხდომაა. ამჟამად აეროპორტი მუშაობას ჩვეულ რეჟიმში აგრძელებს, თუმცა აეროპორტის დაცვა გაძლიერებულია, გამკაცრებულია შესასვლელ – გამოსასვლელის კონტროლი, აეროპორტსა და მიმდებარე რაიონში გადასროლილია პოლიციის დამატებითი ძალები – ცნობას სტამბოლში მომხდარი აფეტქების შესახებ უცხოური მედია თურქეთის ლოუკასტერის ,,პეგასუს აირლაინის'' შეტყობინებაზე დაყრდნობით ავრცელებს.
საბიჰა გექჩენის აეროპორტი სტამბულის აზიურ ნაწილში მდებარეობს, ეს არის ,,პეგასუს აირლაინის'' საბაზო ჰაბი, რომელიც გაიხსნა 2011 წელს, როგორც სტამბოლის მთავარი აეროპორტის – ათა თურქის სახელობის აეროპორტის დანამატი.