საკრებულოს დღევანდელ სხდომაზე დამტკიცდა ქალაქ ზუგდიდის 2016 წლის ბიუჯეტი. ბიუჯეტი ძირითადად ორიენტირებულია ისეთ პრიორიტეტებზე, როგორიცაა სოციალური პროგრამები, საინვესტიციო გარემოსა და ინფრასტრუქტურის გაუმჯობესება, განათლებისა და კულტურის სფეროები.
ბიუჯეტის დამტკიცებას ხმა მისცა 9 დეპუტატმა, წინააღმდეგ – ხუთმა.ბიუჯეტს მხარი არ დაუჭირეს საკრებულოს ოპოზიციური ფრაქციების წარმომადგენლებმა, დეპუტატებმა ,,ერთიანი ნაციონალური მოძრაობიდან'', ,,თავისუფალი დემოკრატებიდან'' და „დემოკრატიული მოძრაობა-ერთიანი საქართველოდან" . ამის მიზეზად ისინი ასახელებენ იმ გარემოებებს, რომ ბიუჯეტში ხელფასებსა და ადმინისტრაციულ ხარჯებზე ხუთი მილიონი ლარია გათვალისწინებული, რაც მეტისმეტად მძიმე ტვირთია ბიუჯეტისათვის, რომელიც 18 597 200 ლარითაა განასაზღვრული. მით უფრო, იმ პირობებში, როცა ბიუჯეტში ერთერთ პრიორიტეტად სოციალური პროგრამებია დეკლარირებული, თუმცა კი, მაგალითად, სოციალურად დაუცველთათვის უფასო სასადილოს ხარჯები მხოლოდ 100 ათას ლარს ითვალისწინებს, რაც ოდნავადაც ვერ პასუხობს საჭიროებებს, მხოლოდ მიზერულად გაიზარდა სკოლამდელი აღზრდის დაწესებილებათა თანამშრომლების ხელფასები და სხვ.