გაეროს უშიშროების საბჭომ ერთხმად დაამტკიცა რეზოლუცია დაჯგუფება "ისლამური სახელმწიფოს" ფინანსირებასთან ბრძოლის საკითხზე .
"დოიჩე ველეს" ცნობით, დოკუმენტი ითვალისწინებს ზომების მიღებას დაჯგუფების დაფინანსების ისეთი მთავარი წყაროების წინააღმდეგ, როგორიცაა ნავთობის კონტრაბანდა, კულტურული ობიექტებით უკანონო ვაჭრობა და სხვა.
აშშ-ის ფინანსთა მინისტრის, ჯეიკობ ლიუს ინფორმაციით, ნავთობის კონტრაბანდის შედეგად, ისლამისტების შემოსავალმა 500 მილიონი აშშ დოლარი შეადგინა.
რეზოლუცია "ისლამური სახელმწიფოს" სპონსორთა დასჯასაც ითვალისწინებს. გაერო-ს წევრ სახელმწიფოებს მოსთხოვენ ტერორისტების დაფინანსება განსაკუთრებით მძიმე დანაშაულად აღიარონ. გარდა ამისა, სახელმწიფოებმა აღნიშნულ საკითხზე ინფორმაციის გაცვლის პროცესი უნდა გააქტიურონ.