უკრაინული გამოცემა "ევროპული სიმართლე" ვარაუდობს, რომ ევროკომისიამ დღეს დაგეგმილი ანგარიში იმის გამო ვერ გამოაქვეყნა, რომ ევროკომისიის საექსპერტო ჯგუფმა უკრაინის პრეზიდენტის მიერ ხელმოწერილი კანონის შეფასება ვერ მოასწრო.
გამოცემის თანახმად, პეტრო პოროშენკომ უკანონოდ გადატანილი აქტივების დაბრუნებასა და მართვაზე ეროვნული სააგენტოს შესახებ კანონს მხოლოდ 9 დეკემბერს მოაწერა ხელი.
"მაშინვე, ანუ გასულ კვირას, პრეზიდენტის ადმინისტრაციამ ბრიუსელიდან მკაფიო სიგნალი მიიღო: ეროვნული სააგენტოს შესახებ კანონის ასეთი რედაქციით უკრაინა ევროკომისიის დადებით დასკვნას ვერ მიიღებს", – ნათქვამია სტატიაში.
გამოცემის თანახმად, სწორედ ეს კანონი გახდა მთავარი დაბრკოლება ანგარიშის გამოსაქვეყნებლად.